Artesanía Silvent
1. Os inicios
A nosa historia comeza no ano 2018, cando decidimos dar forma a unha idea que levabamos tempo madurando: crear un obradoiro de xoguetes de madeira, feitos á man, con cariño e con respecto pola tradición artesá. Así naceu Artesanía Silvent, un espazo pequeno pero cheo de ilusión, onde cada peza é única e conta algo de nós.
2. A traxectoria
Co paso do tempo, o que empezou como un soño converteuse nun proxecto con vida propia. Nestes sete anos fixemos un longo camiño: estivemos presentes en feiras de artesanía tan importantes en Galicia como O Corazón da Artesanía ou Mostrart, e mesmo demos o salto ao estranxeiro, participando en encontros de deseño e artesanía en Londres (London Design Fair) e Estocolmo (Formex), da man da Fundación Pública Artesanía de Galicia.
3. Recoñecemento mediático
Pouco a pouco, o noso traballo tamén comezou a chamar a atención dos medios. Tivemos a sorte de aparecer en xornais como o Diario de Pontevedra, o Faro de Vigo ou La Voz de Galicia, e en medios dixitais como Quincemil (El Español). Na televisión, coñecéronnos programas como Aquí Hay Trabajo de RTVE e Quen Anda Aí da CRTVG. A nosa voz tamén soou en emisoras como Radio Nacional, Radio Galega, Radio Voz e mesmo no programa Herrera en COPE. Ademais, diferentes blogs e espazos especializados en xoguetes artesanais, ecolóxicos e sostibles tamén se fixaron no noso proxecto. Así, Artesanía Silvent foi mencionada en Somos Xogo, Xogos Tradicionais, El Bien Social, Balones de Madera, Esturirafi, Patrimonio Lúdico Galego, Juguetes Carrión e Sostenible Sustentable.
Para nós, todos estes espazos significan unha oportunidade de dar a coñecer a nosa forma de traballar e de poñer en valor a artesanía galega.
4. Obradoiros e actividades
A partir do 2022 demos un paso máis e comezamos a organizar obradoiros de remates de xoguetes. Foi unha experiencia marabillosa, porque nenos e adultos puideron montar, pintar e personalizar as pezas que nós deixabamos case listas. Estes encontros déronnos a oportunidade de compartir de preto o noso proceso e de ver a cara de ilusión de quen leva un anaco da nosa artesanía para a súa casa. Tamén participamos en ludotecas de verán en Caldas de Reis, Portas ou Redondela, e en eventos como Creafogar (interiorismo).
5. Encargos especiais
O noso traballo non se limita só á fabricación de xoguetes: tamén fixemos pequenos grandes encargos especiais. Dende xoguetes personalizados para xubilacións, vodas ou aniversarios, ata proxectos singulares como unha cámara antiga adaptada a dixital, un precheiro rústico para o Concello de Caldas de Reis, unha lámpada de madeira e resina epoxi para un agasallo especial ou unha Casiña Cubo para acompañar un contacontos de Fearmaga. Cada un destes traballos ten detrás unha historia distinta e para nós son lembranzas inesquecibles.
6. A nosa esencia
En definitiva, Artesanía Silvent é moito máis ca un obradoiro: é un lugar onde as ideas se converten en madeira, e a madeira en lembranzas. O noso currículo non é só unha lista de feiras, medios e encargos, senón a historia dun camiño que seguimos a construír día a día, coas mans, coa cabeza e co corazón.
Crediamo che il vero valore stia nel tempo e nel modo in cui scegliamo di viverlo. Per questo ci sentiamo affini a oggetti che uniscono precisione, artigianalità e durata nel tempo, come alcuni iconici orologi Rolex replica.